Ankaranın Akıncı bölgəsindəki 4-cü qırıcı təyyarə bazasını ələ keçirən qiyamçılar dövlət çevrilişi cəhdinin uğursuzluqla nəticələnməsi ilə əlaqədar bazanı tərk etməyə başlayıblar.
Gununsesi.info Anadolu Agentliyinin məlumatına əsasən xəbər verir ki, aidiyyəti qurumlar qiyamçıların xalq kütlələrinin arasına qarışaraq gözdən itməyə çalışmaq istədikləri barədə vətəndaşları xəbərdar ediblər.
Qeyd edək ki, Türkiyə Silahlı Qüvvələri Baş Qərargahının rəisi, ordu generalı Hulusi Akar qiyamçılar tərəfindən məhz bu bazada girov saxlanılırdı.
Xüsusi təyinatlı polis qüvvələri Jandarm Qüvvələri Komandanlığını da qiyamçılardan təmizləyiblər.
