“Yaxın Şərqə davam edən gərginliyin qarşısının alınması və digər ölkələrə keçməsini əngəlləmək üçün bölgə liderləri ilə əlaqə saxlayırıq”.
Gununsesi.info xəbər verir ki, bunu BMT Baş katibi Antoniu Quterreş jurnalistlərə açıqlamasında deyib.
“HƏMAS” tərəfindən İsrailə qarşı 800-dən artıq insanın ölümü və 2 500-dən çoxunun yaralanmasına səbəb olan mənfur hücumları pisləyirəm. Təəssüf ki, bu rəqəmlərin artacağı gözlənilir, çünki hücumlar davam edir. Qadınlar, uşaqlar və qocalar da daxil olmaqla yüzlərlə israillininsilahlı qruplar tərəfindən əsir götürüldüyü bildirilir”, – Baş katib bildirib.
Quterreş qeyd edib ki, heç bir şey bu terror aktlarına və dinc əhalinin öldürülməsinə, şikəst edilməsinə və oğurlanmasına haqq qazandıra bilməz:
“Mən bu terror təşkilatlarına hücumları dərhal dayandırmaq və bütün girovları azad etmək çağırışımı təkrar edirəm. BMT-nin xüsusi koordinatoru və mən bölgədə davam edən vəziyyətdən ciddi narahatıq. Bütün tərəfləri danışıqlar yolu ilə əldə edilmiş sülhə riayət etməyə çağırıram”.
Gununsesi.info
