Ramil Usubov əlillərlə bağlı Ramiz Zeynalova tapşırıq verdi - FOTO

  • By Mayil
  • 16 Dekabr 2016 18:20

16-12-16_1-big

Daxili işlər naziri, general-polkovnik Ramil Usubov əlillərlə bağlı Baş Dövlət Yol Polisi İdarəsinin rəisi, polis general-mayoru Ramiz Zeynalova tapşırıq verib.

Daxili İşlər Nazirliyinin mətbuat xidmətindən Gununsesi.info-ya verilən məlumata görə, R. Usubov bu gün yol patrul xidməti əməkdaşlarının iştirakı ilə sıra baxışı keçirib.

Sıra baxışından sonra keçirilən tədbirdə çıxış edən nazir əlillərə verilmiş və verilməsi nəzərdə tutulan avtomobillərin dövlət hesabına xüsusi idarəetmə sistemi ilə təchiz olunması məqsədilə hökumət qarşısında vəsatət qaldırılması üçün müvafiq sənəd layihəsinin hazırlanması, həmçinin bu cür avtomaşınları idarə etmək vərdişlərini aşılamaq məqsədi ilə xüsusi təlim kurslarının təşkil edilməsi barədə Baş İdarənin rəisinə tapşırıq verib.

16-12-16_3-big

Gununsesi.info