Transfer dönəminin səssiz komandası “Real” “bomba partlatmağa” hazırlaşır.
Gununsesi.info-nun Apasport.az-a istinadən məlumatına görə, “kral klubu” “Monako”nun hücumçusu Kilian Mbappeni heyətinə cəlb edəcək.
Klublar arasında uzun sürən danışıqlar, nəhayət ki, müsbət nəticə verib. Belə ki, “Real”ın 160 milyon avroluq təklifini fransızlar qəbul ediblər. Təbii ki, 20 milyon avro mükafat da olmaqla. Hazırda tərəflər keçidin xırda detallarını müzakirə edirlər. Hərtərəfli anlaşmanın ardından Mbappe yeni komandası ilə 6 illik müqaviləyə qol çəkəcək. Onun illik məvacibi isə 7 milyon avro təşkil edəcək.
Mbappe İspaniyaya köçərsə, futbol tarixinin ən bahalı transferi olacaq. Hazırda bu adı “Mançester Yunayted”in 105 milyon avroluq transferi Pol Poqba daşıyır.
Gununsesi.info
