Ermənistanla sərhəddən 5 km aralıda İran ərazisindən keçməklə Azərbaycanın Şərqi Zəngəzur iqtisadi rayonunun Naxçıvanla əlaqəsini nəzərdə tutan dəhlizin qurulması barədə Azərbaycan və İran arasında imzalanan sənəd regionda bütün geosiyasi və geoiqtisadi vəziyyəti dəyişir.
Bu sənəd aşağıdakıları göstərir: Azərbaycan regionda əsas oyunçudur, oyun qurucudur; Azərbaycan Naxçıvanla əlaqənun qurulmasında Ermənistana ehtiyac duymur və onun şıltaqlığına dözən deyil; Ermənistan dalana dirənmişdir; Ermənistan ərazisindən keçməsi nəzərdə tutulan Zəngəzur dəhlizi reallaşsa belə, İran ərazisindən keçəcək yolun işə düşməsi Rusiya və Ermənistan tərəfindən bəzi şəraitlərdə Azərbaycana siyasi təzyiq etmək imkanlarını aşağı salacaq və ya heçə endirəcəkdir; bu yol Türkiyə və İranı da bir-birinə sıx bağlayacaqdır; Rusiyaya qarşı sanksiyalar işə düşdüyündən və onun Qərbə çıxış qapısı bağlandıqdan Moskva Azərbaycana möhtac olacaq və beləliklə, Azərbaycan və onun ayrılmaz bir parçası olan Naxçıvan dünyanın vacib nəqliyyat-kommunikasiya mərkəzinə çevriləcək, ölkəmizin beynəlxalq mövqeləri güclənəcək, gəlirləri artacaq, əhalinin həyat şəraiti daha da yaxşılaşacaqdır; Azərbaycan Bakı-Tbilisi-Kars dəmiryolu ilə yanaşı bu yolla da Avropaya və Fars körfəsinə, Türkiyə isə türk dünyasına, Fars körfəzinə və sıx iqtisadi əlaqələrinin olduğu Rusiyaya çıxa biləcəkdir; bu yol sansksiyalarla üzləşən İrana da nəfəs almağa imkan verəcək, Rusiya ilə dəmiryolu əlaqəsi qurulacaqdır; əgər Ermənistan Zəngəzur dəhlizinin reallaşdırılmasına imkan verməsə ,bir müddət sonra Laçın dəhlizi də olmayacaqdır; Ermənistanın İran ilə yaxınlaşmaq niyyətləri suya düşür; Ermənistan Azərbaycanın təklifləri ilə razılaşmasa, düşdüyü qaranlıq quyudan çıxa bilməyəcəkdir; Ermənistanın xilası Avropa Parlamentinin Azərbaycan tərəfindən artıq cırılıb zibil qurutusuna atılmış saxta qətnaməsi və digər sənədlərdən deyil, Azərbaycan və Türkiyə ilə normal qonşular kimi yola getməkdən və əməkdaşlıqdan keçir.
Nəhayət və ən başlıcası: bu sənədin imzalanması göstərdi ki, əsas ölkənin ərazisinin həcminin böyüklüyü və əhalisinin sayının çoxluğu deyil, ona rəhbərlik edən şəxsin uzaqgörənliyi, müdrikliyi və strateji hədəflərinə səbrlə, addım-addım irəliləməsidir.
Bunu da cənab Prezidentimiz İlham Əliyev etməklə millətimizdə qürur hissi yaşadır.
Musa Qasımlı
Milli Məclisin deputatı
Gununsesi.info
