ABŞ Qəzza zolağında HƏMAS-ın saxladığı girovları axtarmaq üçün kəşfiyyat pilotsuz uçuş aparatlarından (PUA) istifadə edir.
Gununsesi.info xəbər verir ki, bu barədə Amerika administrasiyasındakı mənbələrə istinadən “Reuters” agentliyi məlumat yayıb.
Məlumata görə, Amerika PUA-larından istifadə edən girovların axtarışı azı bir həftədir ki, davam edir. “Reuters”in məlumatına görə,ABŞ administrasiyası, HƏMAS silahlılarının İsrailə daxil olmasından sonra itkin düşdüyü bildirilən 10 Amerika vətəndaşının 200-dən çox girovlar arasında ola biləcəyinə inanır.
Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi əvvəllər bildirib ki, ABŞ hakimiyyəti Fələstin-İsrail münaqişəsi zonasında hərbi əməliyyatlarda bir sıra fasilələrin təmin edilməsinin tərəfdarıdır. Onun sözlərinə görə, bu, Qəzza zolağına humanitar yardımın çatdırılması və insanların, o cümlədən girovların təhlükəsiz çıxarılmasını təmin etmək üçün işi davam etdirmək üçün lazımdır.
Gununsesi.info
