Roma Papası Fransisk oktyabrın 2-də Şəhidlər xiyabanını ziyarət edib.
Gununsesi.info AZƏRTAC-a xəbər verir ki, burada Roma Papasının şərəfinə fəxri qarovul dəstəsi düzülüb.
Papa Fransisk Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət edib, “Əbədi məşəl” abidəsinin önünə əklil qoyub.
Müdafiə Nazirliyinin əlahiddə nümunəvi orkestrinin ifasında Müqəddəs Taxt-Tacın və Azərbaycan Respublikasının himnləri səslənib.
Roma Papasına Şəhidlər xiyabanının tarixi və şəhərimizdə görülən abadlıq-quruculuq işləri barədə məlumat verilib.
Gununsesi.info
