2015-ci ildə SOCAR-ın işçilərinin ümumi sayı 52 min 104 nəfər olub.
Gununsesi.info APA-ya istinadən xəbər verir ki, şirkətin açıqladığı hesabata əsasən 2014-cü ilin sonuna SOCAR-ın əməkdaşlarının sayı 54 min 714 nəfər idi. Beləliklə, il ərzində 2 610 nəfər SOCAR-ın sıralarını tərk edib.
2015-ci ildə SOCAR Azərbaycanın tərkibində hüquqi şəxs statusuna malik 3 istehsalat birliyi, 4 zavod, 2 trest və 1 institut daxil olmaqla 25 struktur bölməsi fəaliyyət göstərir.
Hesabatda deyilir ki, qeyd edilən dövr ərzində dünya bazarında neftin qiymətinin qeyri-stabil olmasına baxmayaraq SOCAR neft-qaz hasilatı və neft məhsullarının istehsalı ilə əlaqədar bütün proqnozlara, eləcə də ixrac öhdəliklərinə əməl edib.
Gununsesi.info
