Xalq artisti Röya Ayxanın da instagram səhifəsini ələ keçirtmək istəyiblər.
Gununsesi.info xəbər verir ki, bu barədə ifaçı Mtv maqazinin suallarını cavablayarkən məlumat verib. R. Ayxan bildirib ki, ona da aparıcı Ranar Musayevdən link yollanılıb. Amma ifaçı linkə daxil olmayıb:
“Hər birimizin instagram səhifəsi qorunur. Sənə gələn linkə daxil olmamalısan. Mən mənə gələn mesaja baxmıram, o ki, qala linkə daxil olam”.
Xalq artisti 22 mart Moskva şəhərində ” Vegas city hall “da verəcəyi konsert barədə də məlumat verib:
“Böyük komanda və yüksək əhval ruhiyyə ilə Moskvaya gəlirik, çox gözəl konsert proqramı ilə çıxış edəcəyik”.
