Rumıniya İsraildən Pilotsuz Uçan Aparatlar (PUA) alacaq.
Gununsesi.info xarici mətbuata istinadən xəbər verir ki, rəsmi Buxarest 7 ədəd “Watchkeeper X” pilotsuz hava aparatını satın alacağını açıqlayıb.
Artıq bununla bağlı sifariş edilib.
İsrail mərkəzli Elbit Systems ilə Rumıniya Müdafiə Nazirliyi arasında 20 dekabrda əldə edilən anlaşma çərçivəsində 7 ədəd PUA İsrail tərəfindən rəsmi Buxarestə təslim ediləcək.
Beş il keçərlilik müddəti olan anlaşmanın 410 milyon dollar dəyərində olduğu yazılır. “Watchkeeper X” aparatının kəşfiyyat toplama, müşahidə, hədəf bəlli etmə, kəşf uçuşu kimi çeşidli əməliyyatlarda işlədildiyi bilinir.
“Watchkeeper X” PUA-larının Rumıniya ərazisində emal ediləcəyi vurğulanır.
Tərcümə: Arzu Sayadoğlu
