Rusiya ordusu “Donetsk Xalq Respublikası”nda nəzarətə alınan Avdeyevkada davam edən fəaliyyətlər nəticəsində yeni mövqelər ələ keçirib.
Gununsesi.info xəbər verir ki, bu barədə Rusiya Müdafiə Nazirliyi məlumat yayıb.
Paylaşımda “Mərkəz” hərbi qrupunun bölmələrinin Avdeyevka istiqamətində daha sərfəli xətləri və mövqeləri tutduğunu qeyd edən nazirlik şəhərdəki koks zavodunun tamamilə azad edildiyini bildirib.
Hesabatda Avdeyevkada bir gün ərzində 9 hücumun yatırıldığını və 565 Ukrayna əsgərinin öldürüldüyü qeyd edilib.
Həmçinin, Kupyansk istiqamətində 30 Ukrayna əsgərinin əsir götürüldüyünü və “Leopard” tankının məhv edildiyi qeyd olunub.
Bildirilib ki, son 24 saat ərzində Ukrayna ordusuna məxsus 96 PUA və ABŞ istehsalı olan 2 HIMARS tipli raket məhv edilib.
