Ukrayna-Rusiya müharibəsində cəbhə arxasında baş verən kəşfiyyat əməliyyatları eşidənləri təəccübləndirəcək. Bu mövzuda son iddialardan biri də “Telegram”da yazılar paylaşan və rusiyapərəst olduğu deyilən “Flightbomber” adlı kanalda edilib.
Gununsesi.info xəbər verir ki, bu yaxınlarda Armavir Hava Hərbi Akademiyasını bitirmiş pilotlar məzun olmalarının 20 illiyini qeyd etmək üçün bir araya gəliblər. “Flightbomber”dəki iddiaya görə, müharibənin hava cəbhəsində xidmət etmiş, aralarında yüksək rütbəli hərbçilər də olan ən azı 70 pilot bir araya gəlib. Pilotlar bir müddət söhbət edib, daha sonra tort və içki təklif edilən onlara ayrılan masalara doğru yollanıblar.
Toplantı üçün xüsusi sifariş verilib və üzərində Armavir Hava Müharibə Akademiyasının gerbi vurulub və əvvəlcə şübhəli heç nə olmayıb. Qrupdakı zabitlərdən biri tortun və spirtli içkilərin haradan gəldiyini soruşana qədər vəziyyət bu şəkildə davam edib.
Bunu eşidənləri heyrətə salan hadisə barədə “Flightbomber” kanalında belə məlumat verilib: “Anonim sifariş edilən tort və spirtli içkilər qrupdakı pilotlardan birinin soruşması sayəsində təsadüfən diqqət çəkib. Bunu belə izah ediblər: “Tort yemək və içkidən dadmağa heç kimin imkanı olmadı”.
Toplantıya qatılan əsgərlərin zəhərlənmədən son anda xilas olduqları iddia edilib.
Gununsesi.info
