Moskva Ermənistan rəhbərliyinin Qarabağı Azərbaycana məxsus kimi tanımaq qərarından sonra Azərbaycan tərəfi ilə Qarabağda sülhməramlıların olması ilə bağlı bütün məsələləri nəzərdən keçirir.
Gununsesi.info xəbər verir ki, bunu Rusiya xarici işlər nazirinin müavini Mixail Qaluzin RİA Novosti-yə müsahibəsində bildirib.
O xatırladıb ki, “Rusiya sülhməramlı kontingenti Rusiya, Azərbaycan və Ermənistan liderlərinin 9 noyabr 2020-ci il tarixli üçtərəfli bəyanatına uyğun olaraq Qarabağa yerləşdirilib”.
“Bu sənədi heç kim ləğv etməyib. Orada bizim sülhməramlılarımızın 5 il müddətində, yəni 2025-ci ilin noyabr ayına qədər bölgədə qalması nəzərdə tutulur”, – o əlavə edib.
“Əlbəttə, 2022-ci ilin oktyabrında Praqa görüşündən başlayaraq Aİ-nin himayəsi altında keçirilən sammitlərdə Ermənistan rəhbərliyinin Qarabağın Azərbaycanın mülkiyyətini tanıması qərarından sonra yerdə vəziyyət kəskin şəkildə dəyişdi”, – deyə. Qaluzin qeyd edib.
“İndi biz Qarabağda sülhməramlıların olması ilə bağlı bütün məsələləri sırf Azərbaycan tərəfi ilə birlikdə nəzərdən keçiririk. Bu, qarşılıqlı hörmət və konstruktiv şəraitdə baş verir”, – o vurğulayıb.
Gununsesi.info
