Rusiya Britaniyaya həmrəylik nümayiş etdirən dövlətlərin səfirlərini ölkədən çıxarır - QƏRAR

  • By admin
  • 30 Mart 2018 16:36

Rusiya Xarici İşlər Nazirliyi bir neçə ölkənin bəzi diplomatının ölkədən çıxarılması barədə qərar verib.

Gununsesi.info RİA Novosti-yə istinadən verdiyi məlumata görə, Rusiya 4 polşalı diplomatın aprelin 7-də kimi ölkədən çıxarılmasını tələb edib. Bununla yanaşı, 2 italiyalı və bir finlandiyalı diplomatın da ölkədən çıxarılması barədə qərar qəbul olunub.

Martın 30-da Rusiya Xarici İşlər Nazirliyi “Skripal işi” ilə bağlı Böyük Britaniya ilə həmrəylik nümayiş etdirmiş ölkələrin Rusiyada akkreditə olunmuş diplomatik missiyalarının rəhbərliyini nazirliyə çağırıb.

Qeyd edək ki, martın 4-də Rusiya Baş Təhqiqat İdarəsinin keçmiş polkovniki Sergey Skripal və qızı Yuliya Böyük Britaniyanın Slosberi şəhərinin mərkəzində huşsuz vəziyyətdə tapılıb. Britaniya hökuməti  hər iki şəxsin zəhərləndiyini bildirib. Cavab tədbiri olaraq rəsmi London 23 rusiyalı diplomatı ölkədən çıxarıb. Britaniyanın bu qərarına dəstək olaraq Aİ-nin 16 ölkəsi, ABŞ, Kanada, Norveç, Avstraliya, Moldova, Albaniya, Makedoniya ə Ukrayna da eyni addımı atıb. Ümumilikdə 150 rusiyalı diplomat bu ölkələrdən çıxarılıb.

Gununsesi.info