Türkiyənin “Karar” qəzetinin köşə yazarı İbrahim Kahveci ölkə siyasətinin əsas gündəminə toxunub.
Gununsesi.info xəbər verir ki, jurnalist Türkiyənin son vaxtlar ABŞ-a qarşı Rusiya ilə yaxınlaşmasından bəhs edib.
“Rusiya Türkiyəyə təyyarə reyslərini qadağan edərək, 2015-ci ildən bəri ilk dəfə Misirə uçuşlar təşkil edir. Eyni zamanda, Türkiyəni Tanzaniya ilə müqayisə edərək, iyunun 1-dən sonrakı səfər turlarının satışı öncəsi belə epidemiloji situasiyanın yoxlanılmalı olduğunu bildirir. Rusiya Kürdüstan Fəhlə Partiyasını (PKK) terrorçu təşkilat kimi tanımır, “erməni soyqırımı”nı isə hələ çox illər əvvəl tanıyıb. Biz isə hələ də Rusiyanı ABŞ-a qarşı qoyuruq”-deyə Kahveci yazıb.
Müəllifin fikrincə, Türkiyəyə münasibətdə Rusiya ilə ABŞ arasında ciddi bir fərq yoxdur.
