Rusiya qoşunları gecə yarısı Xarkov vilayətinə zərbələr endirib.
Gununsesi.info xəbər verir ki, bu barədə Ukrayna mətbuatı yerli hakimiyyət orqanlarına istinadən məlumat yayıb.
Bundan əvvəl bölgədə raket zərbələri təhlükəsi ilə bağlı hava xəbərdarlığı elan edilmişdi. Bu barədə Ukrayna Hərbi Hava Qüvvələrinin komandanlığı məlumat yayıb.
Çuqev şəhərinin atəşə tutulduğu bildirilir.
Şəhərin meri Qalina Minayevanın sözlərinə görə, iki partlayış baş verib. O bildirib ki, şəhərdə dağıntılar olub və ən azı bir nəfər ölüb.
Mütəxəssislər raketlərin vurulduğu yerləri yoxlamağa davam edir.
Ukrayna ordusunun məlumatına görə, Xarkov, Donetsk və Dnepropetrovsk vilayətləri üçün raket təhlükəsi aşkar edilib.
Gununsesi.info
