Rusiyada “O bizim üçün çar deyil” şüarı altında keçirilən etiraz aksiyalarında azı 1000 nəfər saxlanılıb.
Gununsesi.info Rusiya mediasına istinadən xəbər verir ki, ən çox etirazçı paytaxt Moskvada saxlanılıb. Onların sayı 574 nəfər olub. Bundan başqa Çelyabinskdə 164, Yakuskda – 75, Tolyattidə – 63, Sankt Peterbuqda – 53, Krasnodarda isə 49 etirazçı saxlanılıb.
Krasnoyarsk, Novokuznetsk, Kaluqa, Samara, Barnaul, Penza, Kemerovo, Voronej, Tver, Kurqan, Yekaterinburq, Blaqoveşensk və Tomskda da saxlanılanların olduğu bildirilir.
“O bizim üçün çar deyil” şüarlı etiraz aksiyaları müxalifət lideri Aleksey Navalnının tərəfdarları tərəfindən Rusiyanın onlarla şəhərində təşkil olunub. Aksiyalar prezident Vladimir Putinin inauqurasiyasına etiraz əlaməti olaraq keçirilir.
Gununsesi.info
