Rusiyanın Yekaterinburq vilayətində azərbaycanlı biznesmen tutulub.
Gununsesi.org bildirir ki, Ural-meridian.ru-nun xəbərinə görə, o, qanunsuz olaraq siqaret alveri ilə məşğul olub.
Həmin şəxsə məxsus 2,3 milyon rubl (59,340 AZN) dəyərində 70 000-dən çox aksiz markası olmayan siqaret qutusu aşkar edilib. O, siqaret qutularını Botanika rayonunda qarajda saxlayıb.
Azərbaycan vətəndaşının 2019-cu ilin aprel ayından bu fəaliyyətlə məşğul olduğu məlum olub.
Araşdırma zamanı müəyyən edilib ki, onun satdığı siqaretlərin içərisində tütündən çox digər qarışıqlar olub. Məhsul qanunsuz şəkildə istehsal edilib.
Faktla bağlı cinayət işi açılıb.
