Rusiya əsgəri Ukrayna ordusuna könüllü təslim olduğu üçün ölkədə ilk həbs cəzası alıb. Baş serjant İvanişin də rütbəsindən məhrum edilib.
Gununsesi.info xarici mediaya istinadən xəbər verir ki, Rusiyanın Uzaq Şərq hərbi məhkəməsi Ukrayna hərbçilərinə könüllü təslim olmaq üçün ölkədə ilk həbs cəzası verib .
Baş serjant Roman İvanişin rütbəsindən məhrum edildi və fərarilikdə və iki dəfə təslim olmağa cəhddə təqsirli bilindi.
“Kommersant” daha əvvəl yazıb ki, İvanişin 2023-cü ilin iyununda Ukraynanın şərqində tutulub və Birləşmiş Ərəb Əmirliklərinin vasitəçiliyi ilə məhbus mübadiləsi çərçivəsində 2024-cü ilin yanvarında Rusiyaya ekstradisiya edilib.
Qayıdandan sonra İvanişin Saxalin vilayətindəki motoatıcı briqadanın bazasına göndərilib və orada həbs edilib.
Martın 17-də başlayan İvanişinin məhkəməsi bağlı qapılar arxasında keçirilib və iş haqqında çox az məlumat açıqlanıb.
“Kommersant” xəbər verir ki, bazar ertəsi Yujno-Saxalinsk hərbi məhkəməsi İvanişini 15 il müddətinə azadlıqdan məhrum edib. Prokurorlar 16 il həbs cəzası istəyib.
İvanişin özünü təqsirli bilməyib.
