Rusiyada Orenburq şəhərinin yaxınlığında mikroavtobusla “MAN” markalı yük avtomobilinin toqquşması nəticəsində dörd nəfər ölüb, beş nəfər xəsarət alıb.
Gununsesi.org RİA “Novosti”yə istinadən xəbər verir ki, hadisə Orenburq-Samara yolunda baş verib.
Belə ki, Buzuluk şəhərinə doğru hərəkət edən sərnişin mikroavtobusu ilə qoşqulu olan “MAN” markalı yük avtomobili toqquşub.
Yol qəzası nəticəsində mikroavtobusda olan dörd sərnişin ölüb, 5 nəfər xəstəxanaya yerləşdirilib.
Gununsesi.org
