Ukrayna Xarici İşlər Nazirliyi Ukrayna şəhərlərinə raket hücumu ilə bağlı açıqlama yayıb.
Gununsesi.info xəbər verir ki, Ukrayna Xarici İşlər Nazirliyi açıqlamasında dekabrın 29-da baş vermiş hücumun ölkəyə edilən ən böyük raket hücumlarından biri olduğunu qeyd edib.
Xarici İşlər Nazirliyinin sənədində xüsusilə bildirilir:
“Dekabrın 29-na keçən gecə Rusiya Federasiyası genişmiqyaslı işğalından sonra Ukraynanın şəhər və kəndlərinə ən böyük raket hücumlarından birini həyata keçirdi.
İlkin məlumata görə, ruslar təxminən 158 silahdan istifadə ediblər: müxtəlif tipli raketlər və hücum PUA-ları. Kiyev, Lvov, Dnepr, Odessa, Xarkov, Xmelnitski və Ukraynanın digər vilayətlərinə böyük zərbə endirildi.
Doğum evi, məktəb, yaşayış binası, uşaq bağçası, poçt şöbəsi, metro stansiyası və ticarət mərkəzi Rusiya ordusunun hücumuna məruz qalan mülki obyektlərdən yalnız bir neçəsidir. Atışma nəticəsində onlarla insan həlak olub və yaralanıb. Dağıntılar altında qalanların axtarışları davam edir”.
Ukrayna Xarici İşlər Nazirliyi beynəlxalq ictimaiyyəti “Ukrayna xalqının soyqırımını dayandırmaq” üçün bütün səyləri birləşdirməyə çağırıb.
“Rusiya qoşunları ukraynalı qadınlar, uşaqlar, qocalar və mülki şəxslərlə döyüşür. Rusiyanın bu gün Ukraynada törətdiyi cinayətlər onun Ukrayna müdafiə qüvvələrinə qarşı döyüş axınını döndərə bilməməsinin qisasıdır. Biz beynəlxalq ictimaiyyəti Rusiyanın Ukrayna xalqına qarşı soyqırımını dayandırmaq üçün qüvvələri birləşdirməyə çağırırıq. “Barış”, “ərazilərdən müvəqqəti imtina”, “yorğunluq”, “danışıqlar” və digər “güzəştlər” haqqında heç bir danışıq Rusiyanın təcavüzünü dayandırmayacaq, əksinə onun miqyasını artıracaq. Rusiya Ukraynanın tamamilə məhv edilməsindən başqa heç bir ssenarini nəzərdən keçirmir”.
Kiyev hesab edir ki, Ukraynaya hərbi dəstək ukraynalıları qorumaq üçün yeganə mümkün yoldur.
“Bu baxımdan ölkəmizi hava və raketdən müdafiə sistemləri ilə təmin edən tərəfdaşlarımıza dərin minnətdarlığımızı bildiririk. Bu gün sizin köməyiniz bir çox insanın həyatını xilas etdi. Ukraynalıları müdafiə etməyin yeganə mümkün yolu Ukraynanı özünü müdafiə etmək üçün bütün lazımi hərbi və maliyyə vasitələri ilə təmin etməkdir. Rusiya terroru uduzmalı, Ukrayna isə qalib gəlməlidir”, – Ukrayna Xarici İşlər Nazirliyi vurğulayır.
Gununsesi.info
