Rusiyalı artist, eyni zamanda rəssam Pyotr Pavlenskiy Fransada bank filialına yaxınlaşaraq əlindəki yandırıcı maddəni bankın qapısı və pəncərələrinə tökərək od vurur. Özü də hadisə yerində dayanaraq kiminsə gəlməsini gözləyib.
Gununsesi.info L’Express qəzetinə istinadən xəbər verir ki, yanğını görən polis ilk olaraq yanğınsöndürənləri yanğını söndürməyə çağırır və daha sonra bankı yandıran şəxsi saxlayır.
Bankda yanğın törətdiyinə görə, polis onun həyat yoldaşı Oksana Şalıqinanı da şübhəli şəxs qismində saxlayıb.
Hadisə ilə bağlı araşdırma aparılır. Yanğınsöndürənlər yanğın bankı öz ağuşuna almadan söndürüblər. Hadisə oktyabrın 16-da axşam saatlarında baş verib.
Hadisə ilə bağlı dindirmə zamanı rusiyalı artist deyib ki, bu hərəkəti dünya inqilabının qızışdırılmasını simvolizə etmək məqsədi ilə həyata keçirib.
Pavlinskiy 2017-ci ilin yanvarında Rusiyadan Fransaya miqrasiya edib və may ayında siyasi sığınacaq alıb.
Onu da qeyd edək ki, Pavlinskiy hələ Rusiyada olduğu zaman aktyor həmkarını döyməkdə, həmçinin işlədiyi teatrın aktrisası Anastasiya Slonovanı zorlamaqda ittiham olunub.
Pavlinskiy isə bu ittihamları qəbul etməyib.
Gununsesi.info
