Rusiyanın Türkiyədəki səfiri Andrey Karlovun sui-qəsdlə öldürülməsindən həmən sonra daha bir rus diplomatının qətlə yetirlməsiylə bağlı xəbərlər yayıldı.
Gununsesi.info Rusiyanın Azərbaycandakı səfirliyinin mühafizəsinin hansı səviyyədə gücləndirilməsiylə bağlı səfirliyin mətbuat xdmətiylə əlaqə saxlayıb. Mətbuat xidmətinin əməkdaşı Denis Opulov bildirib ki, hazırda səfirlik bütün bu məslələrlə bağlı mətbuata açıqlama hazırlayır: “Yaxın saatlarda bütün bunlarla bağlı səfirliyin açıqlaması haqda KİV-ə məlumat veriləcək”- deyə, o bildirib.
Qeyd edək ki, dekabrın 19-da Rusiyanın Türkiyədəki səfiri Andrey Karlov silahlı sui-qəsd nəticəsində öldürülüb. Rəsmi Ankara və Moskva bu hadisəni kəskin şəkildə qınayaraq, sui-qəsdin iki ölkə münasibətlərinə zərər vurmağa yönəldiyini bildiriblər.
Xatırladaq ki, 2016-cı il aprelin 5-də Rusiyanın Azərbaycandakı səfirliyində mühafizəsinin gücləndirilməsiylə bağlı məlumat yayılmışdı. Mətbuatın həmin vaxt yazdığına görə, səfirliyin binası polis əməkdaşları tərəfindən üzük qaşı kimi əhatə olunmuşdu.
Gülnaz Qənbərli
Gununsesi.info
