Rusiyanın Ukraynaya hücumundan sonra gələcək inkişafın 3 ssenarisi var.
Gununsesi.info “The New York Times”a istinadən xəbər verir ki, bunu amerikalı jurnalist Tomas Fridman deyib.
Proqnozlara görə, birinci ssenari ən sərtdir. Digər ikisi daha yumşaqdır, lakin daha az ehtimal olunur.
Birinci ssenari:
Ekspert hesab edir ki, Qərb Putini dayandıra bilməsə, o, Ukraynanı məhv edəcək. Bu ssenari Avropanın nasist dövründən bəri görmədiyi miqyasda müharibə cinayətlərinə səbəb ola bilər.
“Müasir qloballaşan dünya heç vaxt bu miqyasda hərbi cinayətlərdə ittiham olunan, ölkəsi 11 saat qurşağında yerləşən, dünyanın ən böyük neft və qaz tədarükçülərindən biri olan və ən böyük nüvə başlıqları arsenalına malik olan bir liderlə üzləşməyib” – Fridman yazır.
İkinci ssenari:
Rusiyaya qarşı iqtisadi sanksiyalar qüvvəyə minəcək və hər iki tərəf güzəştə getməyə məcbur olacaq.
“Atəşkəs və Rusiya qoşunlarının çıxarılması müqabilində Ukraynanın hazırda faktiki olaraq Rusiyanın nəzarəti altında olan şərq anklavları rəsmi olaraq Rusiyaya təhvil veriləcək və Ukrayna açıq şəkildə heç vaxt NATO-ya qoşulmayacağına söz verəcək. Eyni zamanda, ABŞ və müttəfiqləri Rusiyaya qarşı bu yaxınlarda tətbiq edilmiş bütün iqtisadi sanksiyaları ləğv etməyə razılaşacaq” – ekspert qeyd edib.
Fridmanın fikrincə, bu ssenarinin baş verməsi ehtimalı azdır, çünki bu, Putindən faktiki olaraq Ukraynanın reinteqrasiyası ilə bağlı fikirlərini reallaşdıra bilmədiyini etiraf etməyi tələb edəcək.
Üçüncü ssenari:
Ən çətin ssenari rusların ayağa qalxıb Putini devirməsidir.
“Minlərlə insan artıq Putinin çılğın müharibəsinə etiraz etmək üçün küçələrə çıxır. Onlar bunu öz təhlükəsizliklərini riskə ataraq edirlər. Putinin hakimiyyətinə son qoymaq üçün edirlər” – jurnalist bildirib.
Gununsesi.info
