“Səbail” – “Kəpəz” oyununda İNSİDENT

Azərbaycan Premyer Liqasında IV turun “Səbail” – “Kəpəz” oyununda qalmaqal baş verib.

Gununsesi.info xəbər verir ki, insident 71-ci dəqiqədə yaşanıb. Baş hakim Tural Qurbanov qonaq komandanın futbolçusu Rauf Əliyevi təhqirə yol verdiyi üçün birbaşa qırmızı vərəqə ilə meydandan qovub.

HTML tutorial

O, dördüncü hakimin xəbərdarlığından sonra bu addımı atıb. Qərarla razılaşmayan 33 yaşlı hücumçu referi ilə mübahisə edib. Əliyev onu söydüyünü iddia edən dördüncü hakim Namiq Bəkirova kənardan eşitdiyi təhqirə cavab verdiyini bildirib. Lakin baş hakimin qərarı dəyişməyib.

Futbolçu meydançanı tam tərk etməyərək, kənarda oyuna baxmağa başlayıb. Referi onu oradan da uzaqlaşdırıb.

Qeyd edək ki, hazırda “Səbail” “Kəpəz”ə qalib gəlir – 3:1.

Gununsesi.info