Dekabrın 4-də Özbəkistanda keçiriləcək prezident seçkiləri ilə bağlı bu ölkənin Azərbaycandakı səfirliyində seçki məntəqəsi yaradılıb.
Bu barədə Gununsesi.info-ya Özbəkistanın Azərbaycandakı səfirliyindən məlumat verilib.
Səfirlikdən bildirilib ki, Özbəkistanın Azərbaycandakı səfirliyinin konsulluq şöbəsindən burada yaşayan 400-ə yaxın Özbək vətəndaşı qeydiyyatadan keçib: “Özbəkistanın Gürcüstanda səfirliyi olmadığından Gürcüstanda yaşayan Özbəkistan vətəndaşı da Azərbaycandakı səfirlikdə qeydiyyata durublar. Ona görə də Özbəkistan vətəndaşlarının seçkidə iştirak edib hüquqlarında istifadə edilməsini təmin etmək məqsədi ilə səfirliyin binasında seçki məntəqəsi yaradılıb və səfirlik seçkiyə tam hazır vəziyyətdədir”.
Diplomatik nümayəndəlikdən bildirilib ki, seçicilər dekabrın 4-də səfirlikdə yaradılan seçki məntəqəsi səhər saat 6-dan axşam saat 20-dək fəaliyyət göstərəcək. İstənilən Özbəkistan vətəndaşı bu seçki məntəqəsində səs verə biləcək. Seçki günü təqribən 250-dək Özbəkistan vətəndaşı bu hüquqdan yararlanacaq.
Səfirlikdən o da bildirilib ki, artıq bir qismi seçki dövründə Özbəkistanda olub, orada səs vermək istəyir: “Bundan əlavə olaraq turist kimi və ya digər məqsədlə Bakıda səfərdə olan Özbəkistan vətəndaşları da səs verə bilərlər”.
Mürtəza
Gununsesi.info
