Şəhid, qazi və köçkünlərin problemi həmişə mənim üçün prioritet olub - Məlahət İbrahimqızından təkzib

  • By admin
  • 01 Yanvar 2021 17:36

Sosial şəbəkələrdə Milli Məclisin deputatı Məlahət İbrahimqızının adından fikirlər yayılıb. Həmin fikirlərdə qeyd olunur ki, güya, millət vəkili insanların kasıb yaşamağa alışmalı olduğunu deyib.

Gununsesi.info-ya açıqlamasında Məlahət İbrahimqızı iddiaları təkzib edib. O, bildirib ki, onun müsahibəsi təhrif olunaraq ictimaiyyətə yanlış təqdim olunub.

Bugünlərdə TURAN informasiya agentliyinin müxbiri Tatyana xanım (soyismini bilmədiyimdən yaza bilmirəm) mənə zəng edərək, 2021-ci ilin Dövlət Büdcəsi ilə bağlı sualları cavablandırmağl xahiş etmişdi. Çox təəssüf ki, jurnalist mənim cavablarımın bəzi hissələrini kəsərək sualın cavabını konteksdən çıxarmışdır. Nəticədə isə cavabları jurnalist öz marağına uyun mətbutda yaymışdır.
TURAN İnformasiya Agentliyin əməkdaşı olan bu jurnalistin qərəzli mövqeyini qınayır və ən qısa zamanda təkzib verməsini tələb edirəm. Çox təəssüf ki, bir qrup media saytlarında da bu məlumat TURAN İA-nin jurnalistinin mövqeyini mənim cavabım kimi təqdim edilmişdir. Hesab edirəm ki, hər bir jurnalistin peşəkalıqla bərabər obyektivliyi də onun mənəvi dəyəri olmalıdır. Mən müsahibəmdə “ …camaat kasıb yaşamağa alışmalıdır..” ifadəsini isə ümumiyyətlə istifadə etməmişəm..
Bir millət vəkili kimi ümumiyyətlə fəaliyyətimdə hər zaman sosial problemlər, mənim üçün əziz olan əhalinin həssas-sosial təbəqəsi hər zaman prioritet olmuşdur. Gələcəkdə də belə olacaqdır.
Şəhid və Qazi ailələri, qaçqın və köçkünlər, əmək qabiliyyətini itirən həssas qruplar mənim üçün ən doğma problem olubdur. Milli Məclisdəki çıxışlarımda da hər zaman bunu səsləndirmişəm.

Gununsesi.info