“Palmali Group”a məxsus General Polad Həşimov gəmisi Yalova Doğruyol Tərsanəsində təmir üçün dayanıb.
Gununsesi.info–nun xəbərinə görə, Türkiyədə olan Milli Qəhrəmanımızın anası Səmayə Həşimova, qızı Kəmalə xanım və “Palmali Group”un sahibi Mübariz Mənsimovla birgə gəmiyə baş çəkib.
Gəminin göyərtəsini gəzən Səmayə ana və Kəmalə xanım şəhid generalın xatirə guşəsinə də baxış keçiriblər. Səmayə ana oğlu Polad Həşimov haqqında gəmi kapitanı və heyət üzvləri ilə fikirlərini paylaşıb, köhnə günlərin xatirələrini təzələyərək hər kəsi kövrəldib.
Daha sonra Səmayə ana gəmi kapitanına və bütün heyət üzvlərinə qəhrəman genral Polad Həşimovun adını daşıyan gəmidəki fəaliyyətlərində bundan sonra da uğurlar arzu edib.
Azərbaycanlı iş adamı Mübariz Mənsimov isə Polad Həşimovun qəhrəmanlığından söz açıb.
İş adamı deyib ki, onu qiymətləndirmək, qəhrəmanlıqlarını gələcək nəsillərə çatdırmaq hər bir azərbaycanlının borcu olmalıdır.
Afət Abbasova
Gununsesi.info
