Gəncədən qatarla Bakıya gəlmək istəyən bir ailə qatardan endirilib. Buna səbəb kimi isə uşaqlardan birinin şəxsiyyət vəsiqəsinin müddətinin bitməsi göstərilib.
Gununsesi.info-nun əməkdaşının şahidi olduğu olayda Dəmir Yolları Qapalı Səhmdar Cəmiyyətinin Gəncədəki təmsilçiləri ancaq bunun üçün hüquqi əsaslandırma göstərə bilməyib.
Baxmayaraq ki, Azərbaycan Konstitusiyasına görə vətəndaşın ölkə ərazisində sərbəst hərəkət etmək hüququ var.
Maraqlı burasındadır ki, Bakıya gəlmək istəyən ailə Gəncəyə məhz sürət qatarı ilə gəlib. Lakin dönüşdə bunun əksi olub.
Gəncənin Dəmir Yolu Vağzalında polisin müşaiyyəti ilə vətəndaşlar qatardan endirilib.
Bir neçə nəfərin bileti isə cərimə yolu ilə geri qayatılıb.
Gununsesi.info vətəndaşın üzləşdiyi olay zamanı dediklərini təqdim edir.
Afət Abbasova
Gununsesi.info
