“Bəsdirin, bu saxtakarlığa və təxribata son verin”.
Gununsesi.info xəbər verir ki, bu sözlərlə Baş nazir İrakli Qaribaşvili Parlamentin plenar iclasında Gürcüstanda ikinci müharibə cəbhəsi açmağa cəhddə ittiham etdiyi müxalifət deputatlarına belə müraciət edib.
“Rusiya-Ukrayna müharibəsi zamanı müxalifət nümayəndələri hakimiyyətdə olsaydılar, Ölkə təlim poliqonuna çevrilərdi, onlar Gürcüstanı Rusiyaya verərdilər” , – deyə Baş nazir əlavə edib.
Daha sonra hökumət başçısı müxalifət deputatlara belə xitab edib:
“İkinci Dünya Müharibəsindən sonra Avropa qitəsində bu miqyasda müharibə olmayıb. Biz nə NATO üzvü, nə də Avropa Birliyinə üzv ölkəyik, bizim ərazilər işğal olunub və burada Rusiya ordusu yerləşdirilib. Bu ifadəmi bəyənmədilər və məndən icarəyə götürülmüş təyyarələr almağı, hətta Gürcüstandan Ukraynaya döyüşməyə könüllülər göndərməyimi istədilər. Bu, birbaşa müharibəyə girişmək cəhdi idi və Rusiyanın öz ukraynalı tərəfdaşları ilə elan etdiyi kimi, lazımi reaksiya verməsini və ikinci cəbhə açmasını təmin etmək üçün nəzərdə tutulmuşdu.
Açıq şəkildə dedilər ki, biz Gürcüstanda ikinci cəbhə açmaq istəyirik. Bütün fərziyyələri və proqnozları bir kənara qoysaq, bu gün hakimiyyətdə olan bu adamlar, yəni Gürcüstanda ikinci cəbhə açmaq istəyən Ukrayna hökumətinin tərəfdaşları və müttəfiqləri olsaydı, hər hansı bir vətəndaşımıza sual vermək istərdim – kimsə şübhə edir ki, doğrudan da burada ikinci cəbhə olmayacaqdı? Ölkəmizi təlim meydanına çevirərdilər. Onlar hakimiyyətdə deyillər və burada ikinci cəbhə açmaq üçün hər şeyi edirlər, hakimiyyətdə olsaydılar ölkəni məhv edərdilər, sonda ölkəni bitirərdilər, Rusiyaya təslim olardılar və ölkə suverenliyini itirərdi.
Bunu mitinqlər, nümayişlər keçirməklə, hökumətin istefasını tələb etməklə etdilər… Onların vəzifəsi həm də inqilablar təşkil etmək idi. Rusiyaya təslim olacaqdılar və ölkə suverenliyini itirəcəkdi. Birbaşa demək lazımdır ki, onların hesablaması belə idi ki, sosial təlatüm, inqilab olacaq. Onlar da uğursuz oldu! Məqsəd təkcə hakimiyyətə gəlmək deyil, ukraynalı tərəfdaşların tapşırıqlarını yerinə yetirməkdir. Ukraynanın yüksək rütbəli məmurları birbaşa dedilər – “Bu hökumət müharibəyə hazır deyil, müharibə hökuməti deyil və Saakaşvili hakimiyyətdə olsaydı, müharibə olardı”. Daha nə sübut istəyirsiz? Namizəd statusu əldə etmək istəyirsinizsə, dəyərli həmkarlarımızla işləməkdən çəkinməyin! Əgər yoxsa, ölkənin bu saxtakarlığına, düşmənçiliyinə təslim olun və təxribata son verin!”
Gununsesi.info
