Saatlı polisi narkotik əməliyyatı keçirib. Gununsesi.info xəbər verir ki, rayonun Mustafabəyli kəndində keçirilən əməliyyat tədbirləri zamanı kənd sakini, əvvələr də məhkum olan Zakim Ziyadovun həyətyanı sahəsinə baxış keçirilib. Baxış zamanı oradan narkotik tərkibli çətənə kollarının çıxarıldığı yerlər aşkarlanıb. İlk olaraq Zakim Ziyadov çətənə kollarını çıxarıb tulladığını bildirib. Lakin polis əməkdaşları axtarışa davam edib. Bu zaman kötükdən çıxarılan kollar Zakimin evinin zirzəmisində aşkarlanıb.
Polis şöbəsinə gətirilən Zakim Ziyadov törətdiyi əməlindən peşiman olduğunu etiraf edib. Hazırda faktla bağlı Saatlı rayon polis şöbəsində cinayət işi açılıb, araşdırma aparılır.
Gununsesi.info
