Ötən gecə Türkiyədə vəfat edən keçmiş vergilər naziri Fazil Məmmədovun cənazəsi Bakıya gətirilib.
Gununsesi.info xəbər verir ki, bu barədə onun ailəsindən məlumat verilib.
Bildirilib ki, sabiq nazirin cənazəsi yaşadığı evə aparılıb.
F.Məmmədov noyabrın 5-də Yasamal qəbiristanlığında torpağa tapşırılacaq.
Qeyd edək ki, F.Məmmədov ötən gecə Türkiyədə müalicə olunduğu xəstəxanada dünyasını dəyişib. Onun ürək çatışmazlığından vəfat etdiyi bildirilib.
Xatırladaq ki, F.Məmmədov 1964-cü ildə anadan olub. O, 2000-2017-ci illərdə vergilər naziri vəzifəsində çalışıb.
Gununsesi.info
