Rusiyanın Smolensk vilayətində aviaqəzada dünyasını dəyişən Polşanın sabiq prezidenti Lex Kaçinski və xanımı Mariya yenidən dəfn edilib.
Gununsesi.info Polşa mediasına istinadən xəbər verir ki, noyabrın 15-də sabiq prezidentin və xanımının cəsədi qalıqları təkrar araşdırılması məqsədi ilə eksiqumasiya olunub.
İlkin qeyri-rəsmi məlumatlara görə, qəbirlərin açılması zamanı bir daha sübut olunub ki, prezident və birinci ledinin ölümünə səbəb aviaqəzalara məxsus olan daxili orqanlarda çoxsaylı zədələnmə, baş nahiyəsində sınıq və zədələr olub. Sabiq prezidentin ölümünə səbəb olan rəy 4 aydan sonra 14 nəfərdən ibarət beynəlxalq qrup üzvləri tərəfindən veriləcək.
Prezidentin təkrar dəfninin əvvəlcə qapalı keçirilməsi nəzərdə tutulsa da, son anda dəfn mərasiminə Polşanın indiki prezidenti Anjey Duda və xanımı, baş nazir Beata Şidlo, prezidentni əkiz qardaşı, hakim “Hüquq və ədalət” Partiyasının lideri Yaroslav Kaçinski, həmçinin, Lex Kaçinskinin qızı Marta iştirak edib.
Dəfn mərasimi Krakovo şəhərindəki Vavelskiy Kafedral məbədində baş tutub.
Gununsesi.info
