Samir Rəhimov: “Qazla təminatımızda problem yoxdu. Sizdən xahişimiz odur ki, debitor borcun ödənilməsində bizi nəzərə alasınız”.
Şirin Ramazanov: “İşlətdiyim hotelin qaz sayğacı 1 aya yaxındır ki, dövri yoxlama müddəti başa çatdığından sökülərək laboratoriyaya aparılıb. Yoxlamanın nəticəsini tez bir zamanda bilmək istərdim”.
Elçin Məmmədov: “Özümə məxsus mağazamda qazla bağlı problem yaşamamışam. Bu səbəbdən ölkə başçısına minnətdarlığımı bildirirəm”.
Sadalanan müraciətlər müvafiq olaraq idman kompleksinin icraçı direktoru, hotel və mağaza sahiblərinə məxsusdur.
Hər 3 müraciət isə Zaqatalada keçirilən “Açıq mikrofon” aksiyasında ünvanlanıb.
KOBİA nümayəndəsinin də iştirakı ilə təşkil olunan “Səyyar qəbul otağı” Zaqatala RQİİ-nin məsul şəxsləri tərəfindən problemlərin qeydiyyatı ilə davam edib.
