Vəliəhd şahzadə: “Vəhhabiliyi artıq fondlar maliyyələşdirir”
Səudiyyə Ərəbistanı vəliəhdi, şahzadə Məhəmməd Salman vəhhabiliklə bağlı ilginc etiraflar edib.
Gununsesi.info xəbər verir ki, “Washington Post” qəzetinə müsahibə verən şahzadə Salman “Soyuq müharibə” vaxtı ABŞ-ın tələbi ilə kommunizmə qarşı vəhhabiliyi yaymağa başladıqlarını deyib.
“Səudiyyə Ərəbistanının əsas ideologiyası olan və bəziləri tərəfindən terrorizmin əsas mənbəyi kimi qeyd edilən vəhhabiliyin Səudiyyə Ərəbistanı tərəfindən maliyyələşdirildiyi qeyd olunur. Bu doğrudurmu” sualına vəliəhd şahzadə belə cavab verib:
“Səudiyyənin maliyyəsi ilə dünyanın müxtəlif ölkələrində məscid və mədrəsələrə yatırımların edilməsinə “Soyuq müharibə” vaxtından başlayıb”.
Məhəmməd Salman həmçinin bildirib ki, SSRİ-nin müsəlman ölkələri ilə münasibətlərinin dərinləşdirilməsinin qarşısını almaq üçün müttəfiqlərimiz Səudiyyə Ərəbistanından qüvvələrini səfərbər etmələrini istədilər.
“Amma ipin ucunu qaçırdıq. İndi hər şeyi yığışdırmalıyıq. Vəhhabiliyi artıq hökumət maliyyələşdirmir, müxtəlif fondler pul ayırır”, – deyə şahzadə Salman qeyd edib.
Gununsesi.info
