Salyanda 4 nəfərin müxtəlif dərəcəli bədən xəsarətləri alması ilə nəticələnən yol qəzası baş verib.
Gununsesi.info xəbər verir ki, hadisə Ələt-Astara magistral yolunun Salyan rayonunun Çuxanlı kəndi ərazisindən keçən hissəsində qeydə alınıb. Belə ki, “Mersedes” markalı minik avtomobili Astara istiqamətində hərəkətdə olarkən ara məsafə az olduğundan “Vaz-2107” markalı avtomobil arxadan ona, “Niva” markalı avtomobil də “Jiquli”yə çırpılıb. Zəncirvari qəza nəticəsində hər 3 maşın ciddi zədələnərək yararsız hala düşüb.
Hadisə zamanı “Niva”nın sürücüsü, 40 yaşlı Salyan sakini Aləddin Zeynalov, “Vaz-2107”-də olan sərnişinlər-61 yaşlı Şirvan sakini Əliabbas Məmmədov, Salyan sakinləri, 57 yaşlı Şəmsi Dadaşov və 49 yaşlı Əfqan Səfərov müxtəlif dərəcəli bədən xəsarətləri alıb.
Xəsarət alanlar Salyan Mərkəzi rayon Xəstəxanasına çatdırılıb.
Xəstəxanada onlara ilk tibbi yardım göstərilib.
Faktla bağlı Baş Dövlət Yol polisi idarəsinin istintaq və təhqiqat şöbəsində araşdırma aparılır.
Gununsesi.info
