Pakistanın Bəlucistan əyalətində həbsdə olan keçmiş baş nazir İmran Xanın Pakistan Ədalət Hərəkatı (PTI) partiyası və müxtəlif siyasi partiyalar 8 fevral seçkilərində saxtakarlıq edildiyini iddia edərək magistral yolları bağlayıblar.
Gununsesi.info bildirir ki, yeli mətbuatda yer alan xəbərlərə görə, PTI və müxtəlif siyasi partiyalardan olan bir çox nümayişçi Bəlucistan əyalətində seçki prosesində saxtakarlıq olduğunu iddia edərək etiraz aksiyası keçirib. Əyalətin müxtəlif yerlərində magistral yolları bağlayan nümayişçilər Kvetta şəhərində şəhərin yüksək səviyyəli administratorunun evinin qarşısında oturaq etiraz aksiyası keçiriblər.
Aksiya səbəbindən İran və Əfqanıstan arasında ticarət kəsilsə də, Kvetta ilə Çaman arasında qatarlarda da gecikmələr olub.
Bəlucistan əyalətindəki müvəqqəti hökumətin informasiya və ictimaiyyətlə əlaqələr naziri Jan Açakzai nümayişçiləri seçkinin nəticələrini qəbul etməyə və etirazlara son qoymağa çağırıb.
PTI seçkilərdə birinci partiya kimi meydana çıxsa da, bir çox dairələrdə səslərin oğurlandığını və rəqib partiyaların namizədlərinə keçdiyini iddia edir. Digər siyasi partiyalar da səslərinin oğurlandığını iddia edirlər.
Gununsesi.info
