Öz fəaliyyətində keyfiyyəti əsas meyarlardan biri kimi daim üstün tutan peşəkar mühafizə xidməti “Security Operation Services” (SOS) MMC daha bir uğura imza atıb.
Gununsesi.info xəbər verir ki, Türk Standartları İnstitutu (TSE) tərəfindən müəssisədə xidmətin keyfiyyəti və təşkili ilə bağlı aparılan audit yoxlamaların nəticəsinə uyğun olaraq “SOS” MMC TS EN İSO 9001:2015 Beynəlxalq Standartının Sertifikatına layiq görülüb.
Qeyd edək ki, müəssisə tərəfindən alınan ISO 9001 sertifikatı keyfiyyətli idarəetmə sisteminin mövcudluğunu sübut edən bir standartdır. ISO 9001 sertifikatı müəssisənin üst rəhbərliyinin beynəlxalq səviyyədə qəbul edilmiş idarəetmə sisteminə uyğun bir idarəetmə yanaşmasının olduğunu, müəssisənin xidmət keyfiyyətinin davamlılığını sübut edir. Dünyada ISO sertifikatı almış müəssisə beynəlxalq keyfiyyət meyarına uyğunlaşmış bir müəssisə kimi qəbul olunur.
Məlumat üçün qeyd edək ki, “SOS” MMC müxtəlif istiqamətlər üzrə fəaliyyət göstərən peşəkar mühafizə xidmətidir. Xatırladaq ki, bu yaxınlarda “SOS” MMC-nin nəzdində mühafizəçi peşəsi üzrə kurs və ixtisas artırma mərkəzi yaradılıb.
