Amerikalı senator 2018-ci ildə futbol üzrə dünya çempionatının Rusiyada keçirilməsinin əleyhinədir.
Gununsesi.info RBC-ya istinadən xəbər verir ki, amerikalı senator Riçard Blyumental 2018-ci ildə keçiriləcək futbol üzrə dünya çempionatının Rusiyadan alınmasının yollarının aranması ilə bağlı bəyanat verib.
Amerikalı senator futbol üzrə dünya çempionarının Rusiyada keçrilməməsinin səbəbini bu ölkənin Suriya konfliktində iştirakı ilə əlaqələndirib.
Senator deyib ki, Rusiya Suriya konfliktində birbaşa iştirak etiyindən FİFA 2018-ci ildəki dünya çempionatının başqa ölkə keçirilməsi barədə qərar verməlidir.
Demokratlar Partiyasından olan senator bununla bağlı FİFA-ya məktubla müraciət edəcəyini də bəyan edib.
“Ümid edirəm ki, mənim bu çağırışım FİFA-nın ən yaxşı üzvləri tərəfindən dəstəklənəcək. Əgər hər hansı problem yaranarsa, o zaman digər addımları atmağa hazıram. Futbol üzrə dünya çempionatının Rusiyada keçirilməsi, sadəcə, bir simvolik jest deyil.
Bu, Putinin özünü dünya siyasi arenasında böyük oyunçu hesab etməsi üçün ən böyük mükafatdır. O, belə hərəkətlərdən istifadə edərək dünyada daha qorxunc addımlar atmağa cəhd edir”- deyə, amerikalı senator vurğulayıb.
Onu da qeyd edək ki, hələ 2015-ci ildə 13 demokrat və respublikaçı senator Jozef Blaterrə müraciət edərək, 2018-ci ildə futbol üzrə dünya çempionatının Rusiyada keçirilməsinin qarşısını almasını tələb ediblər.
Senatorların etdiyi müraciətdə qeyd edilib ki, Putinin hərəkətlərinin ittiham edilməsi, bu ölkəyə qarşı daha sərt sanksiyaların tətbiq olunması əvəzinə dünya çempionatının Rusiyada keçirilməsi Putin rejiminin məhkəmlənməsinə xidmət edir.
Müraciətin bir surəti ABŞ Futbol Federasiyasına da göndərilib.
Gununsesi.info
