“Şeyxülislam” mükafatı Allahşükür Paşazadə mükafatı deyil” - MÜBARİZ QURBANLI

  • By admin
  • 28 Noyabr 2016 11:30

Mubariz Gurbanly

“Rusiyada dini mövzuda yazan jurnalistlərin gildiyası yaradılıb və dini həssaslıq, dini vəziyyət nəzərə alınır. Azərbaycan da həssas bir bölgədə, İslamla xristianlığın təmas nöqtəsində yerləşir. Bizdən bütün məsələlərdən – etnik, dini məsələlərdə yazanda diqqətli olmalıyıq. Milli maraqlarımıza zidd olmayan mövqe seçməliyik”.

Gununsesi.info-nun xəbərinə görə, bu haqda Dini Qurumlarla İş üzrə Dövlət Komitəsinin sədri Mübariz Qurbanlı Azərbaycanda “Şeyxülislam” mükafatının təsis olunması ilə bağlı təklifə münasibət bildirərkən belə deyib.

O bildirib ki, Qafqaz Müsəlmanları İdarəsinin sədri şeyxülislam Allahşükür Paşazadənin təklifi dini sahədən yazan jurnalistlərin mükafatlandırılmasını nəzərdə tutur.

Onun sözlərinə görə,  “Şeyxülislam” mükafatının təsis olunmasına, dini mövzuda seminar keçirilməsinə etiraz edənlər ya ateistdirlər, ya da tam olaraq hansı dinə mənsub olduqlarına qərar verə bilməyiblər: “Şeyxülislam” mükafatı Allahşükür Paşazadə mükafatı deyil. Şeyxülislam başqa adamlar da olacaq. Bu mükafat o zaman da veriləcək”.

Dövlət Komitəsinin sədri vurğulayıb ki, Azərbaycan çox həssas bölgədə yerləşir.

Gülnaz Qənbərli

Gununsesi.info