Türkiyənin cənub-şərqində baş verən güclü zəlzələ nəticəsində həm Türkiyənin özündə həm də qonşu Suriyada ölənlərin sayı artıq yüzlərlədir.
Hər keçən saat ölənlərin sayı artmaqdadır.
Gununsesi.info xəbər verir ki, Suriyada Əl-İxbariya telekanalı respublikanın Səhiyyə Nazirliyinə istinadən 237 nəfərin öldüyünü bildirib.
Türkiyədə isə son məlumatlara görə artıq 200-ə yaxın insan həyatını itirib.
Rəsmilərin açıqlamasına görə, Türkiyənin Malatya vilayətində ən azı 130 bina, o cümlədən yaşayış binaları dağılıb. Zəlzələ nəticəsində Kahramanmaraş şəhərində qaz kəməri partlayıb. Suriyanın şimal-qərbində müxalif Suriya Mülki Müdafiəsi üsyançıların nəzarətində olan bölgədəki vəziyyəti “fəlakətli” adlandırıb.
Dövlətin səlahiyyəti şəxslərin sözlərinə görə, ən güclü zəlzələ 1999-cu ildə olub, təxminən 18 min insanın həyatını alıb.
Adil Elxanoğlu
Gununsesi.info
