Sosioloq Elçin Bayramlı jurnalist peşəsinin nüfuzunun qorunmasının vacibliyini vurğulayıb.
Gununsesi.info-nun xəbərinə görə, o bildirib ki, jurnalistlik müəllimlik qədər müqəddəs peşədir və cəmiyyətin maariflənməsi, mədəni, elmi və mənəvi inkişafı, eləcə də insanların hüquqlarının müdafiəsi naminə fədakar fəaliyyət tələb edir.
Elçin Bayramlının sözlərinə görə, həqiqi jurnalist xalqına, ölkəsinə və bəşəriyyətə xidmət edən, fəaliyyətini şəxsi karyera, gəlir və mənfəət üzərində qurmayan şəxsdir.
Sosioloq ictimaiyyəti həqiqi jurnalistlərlə saxta jurnalistləri fərqləndirməyə çağıraraq qeyd edib ki, bu meyarlara cavab verməyən şəxslərə “jurnalist” deyilməməlidir. Onun fikrincə, belə şəxslər üçün başqa ad seçilməsi daha doğru olar.
Elmar
Gununsesi.info
