Rusiyanın Ukraynaya təcavüzü cəbhə xəttində bütün xaosu ilə davam edir. Kiyevin yaydan bəri davam edən əks-hücumlarının əsas hədəfi son günlər Krım olub. Rus generalların qaldığı qərargahı İngiltərə istehsalı raketlərlə vuran Ukrayna Rusiyanın Qara dəniz donanması komandanının orada öldüyünü açıqlayıb. Ukraynanın açıqlamasından bir neçə saat sonra Rusiya sözügedən komandan Viktor Sokolovun görüşdəki görüntülərini dərc edib.
Gununsesi.info xəbər verir ki, Ukraynanın Krımın Sevastopol şəhərində Rusiya Qara Dəniz Donanmasının qərargahına raket hücumu ilə bağlı Rusiyadan açıqlama verilib. Rusiya Xarici İşlər Nazirliyinin sözçüsü Mariya Zaxarova açıqlamasında deyib: “Sentyabrın 22-də Sevastopol yenidən hücuma məruz qalıb. Şübhə etmirik ki, bu hücum NATO peyk sistemləri və kəşfiyyat təyyarələri ilə əvvəlcədən planlaşdırılıb və ABŞ və İngiltərə kəşfiyyat mütəxəssislərinin məsləhəti və yaxın koordinasiyası ilə həyata keçirilib. Bu terror aktlarının yeganə məqsədi Ukrayna Silahlı Qüvvələrinin uğursuz hücumlarından diqqəti yayındırmaq və cəmiyyətimizdə qorxu və panika yaratmaqdır”.
Bütün gözlər Krım və onun ətrafına dikilərkən, “Vaqner” qrupunun fəaliyyət göstərdiyi Malidə Sovet istehsalı olan İl-76 partlayıb. Uçuş zolağından havaya qalxarkən ətrafı tüstü ilə əhatə edən təyyarə qəfildən ev topuna çevrilib. Ölənlərin sayı hələ məlum olmasa da, içəridə 140-a yaxın sərnişinin olduğu güman edilir. “Vaqner” tərəfdarı olan mənbələr muzdlu dəstənin Malidə aktiv olmasına baxmayaraq, bu uçuşla əlaqəli olduğunu təkzib edib. “Vaqner”ə yaxın “Grey Zone” Telegram kanalının məlumatına görə, təyyarə Mali ordusu tərəfindən istifadə olunurdu. “Bu təyyarə, daha doğrusu uçuşda “Vaqner” qrupuna aid heç bir personal daşınmayıb”, – deyə məlumatda qeyd olunur.
Yerli mətbuatda çıxan xəbərlərdə 2500 metrlik eniş-enmə zolağının son 500 metrinə çatan təyyarənin əyləclərinin işləmədiyi, daha sonra eniş-enmə zolağından çıxaraq partladığı yazılıb. Təyyarənin niyə dayana bilmədiyi və daha sonra alov topuna çevrildiyi hələlik məlum deyil.
Qeyd edək ki, ötən yay Putinə qarşı dövlət çevrilişinə cəhd edən və 24 saatdan sonra Moskva administrasiyası ilə razılığa gələn Yevgeni Priqojinin təyyarəsi Rusiya liderinin doğulduğu Sankt-Peterburqa çatıb. Sankt-Peterburq üzərində olarkən partlayıb və qəzaya uğrayıb. Qəzada Priqojinlə yanaşı, Vaqnerin ağır silahları, pilotları və stüardessaları da həyatını itirib.
Səid Əhmədli
Gununsesi.info
