Soyuq havada papaqsız gəzmək keçəlləşmək riskini artırır - Xəbərdarlıq

Qış mövsümündə aşağı hava temperaturu normal qan dövranını pozduğu üçün saçın keyfiyyətinə əhəmiyyətli dərəcədə təsir edə, hətta keçəlləşməyə səbəb ola bilər.

Gununsesi.info Rusiya mətbuatına istinadən xəbər verir ki, bu barədə rusiyalı dermatoloq və trixoloq Yuliya Qallyamova danışıb. O, bildirib ki, saç tökülməsinin qarşısını almaq üçün qışda papaq taxmaq vacibdir.

HTML tutorial

“Saçlarınızı sağlam saxlamaq üçün soyuq havada papaqla gəzmək lazımdır. Çünki aşağı temperatur damarların spazmına səbəb olur və buna uyğun olaraq saç kökünün qan dövranı zəifləyir. Müntəzəm olaraq papaqsız gəzirsinizsə, bilin ki, bu, saçların qırılma və seyrəlmə riskini artırır”, – ekspert izah edib.

Bu, ümumi sağlamlığa da aiddir: papaq taxmamaq üz sinirinin nevriti, dərinin donması və digər problemlərə yol açır. Qallyamova bildirib ki, papaq taxılmalı olan temperatur səviyyəsini söyləmək çətindir.

“Hər bölgədə havanın temperaturu rütubətdən asılı olaraq fərqli qəbul edilir. Amma orta hesabla mənfi beş dərəcəyə qədər papaqsız gəzmək olar. Bundan sonra onu geyinmək lazımdır”, – mütəxəssis vurğulayıb.

Gununsesi.info