Stoltenberq: "Ukraynada sülh mümkündür, amma..."

“Ukraynada sülh mümkündür, yeganə məsələ onun Ukraynaya hansı ərazi güzəştlərinin bahasına başa gələcəyidir”. 

Gununsesi.info xəbər verir ki, bu fikirləri NATO-nun Baş katibi Yens Stoltenberq Alyansın Finlandiyanın paytaxtı Helsinkidə keçirilən mətbuat konfransında səsləndirib.

HTML tutorial

“Ukraynada sülhə nail olmaq mümkündür. Məsələ bu sülhün nəyin bahasına bərqərar olacağıdır: biz bu sülh üçün nə qədər ərazi, azadlıq və demokratiya ödəməyə hazırıq. NATO Ukraynanın Rusiya ilə danışıqlar masasında mövqeyini gücləndirmək üçün yardım etmək niyyətindədir”.

Bununla yanaşı, Y.Stoltenberq NATO hərbçilərinin Ukraynadakı münaqişədə iştirak etmədiyini qeyd edərək Alyansın bu ölkədən kənarda hərbi əməliyyatların alovlanmasını istəmədiyini vurğulayıb:

“Müharibənin əvvəlindən biz həmişə müstəqillik uğrunda mübarizə aparan ölkəyə kömək etməyə çalışmışıq, lakin eyni zamanda mümkün qədər eskalasiyadan yayınmağa da çalışmışıq, ona görə də heç vaxt Ukrayna ərazisinə daxil olmamışıq və ukraynalıların uçuşa yasaq zonanın yaradılması istəyini qəbul etmədik”, – deyə NATO-nun Baş katibi bildirib.

Gununsesi.info