Fövqəladə Hallar Nazirliyinin Böhran Vəziyyətlərində İdarəetmə Mərkəzinə daxil olmuş məlumata əsasən, Sumqayıt şəhərində döyüş sursatı aşkarlanıb.
Gununsesi.info qurumun rəsmi saytına istinadən xəbər verir ki, nazirliyin müvafiq qurumlarının mütəxəssisləri lazımı tədbirlərin görülməsi üçün hadisə yerinə cəlb edilmiş və aşkarlanmış sursata baxış keçiriblər. Məlum olmuşdur ki, bu təlim-tədris təyinatı üçün nəzərdə tutulmuş və döyüş tətbiqinə yararsız 7 ədəd 100 millimetrlik çaplı aviasiya mərmisinin başlığıdır.
Xilasedicilər hüquq-mühafizə orqanlarının əməkdaşları ilə birlikdə əraziyə əlavə baxış keçirmiş və digər növ şübhəli əşya aşkar etməyiblər. Əməliyyat saat 12:45-də başa çatıb.
Anar
Gununsesi.info
