Bir neçə il əvvəl İsveçrə istehsalı olan “Statdler” sürət qatarlarının Azərbaycan Dəmir Yolları tərəfindən alınması dəmir yolları nəqliyyatında mühüm tarixi hadisə olub.
Pandemiya dövründə sürət qatarlarının hərəkətinə fasilə verilsə də hazırda yenidən Bakı-Gəncə və Bakı-Ağstafa qatarları sərnişindaşımaya başlayıb.
Qeyd edək ki, müasir tələblərə cavab verən bu qatarlarda sürətli internet üçün server də yaradılıb.
Ancaq buna baxmayaraq, əvvəlki illərdən fərqli olaraq qatarlarda internet dayandırılıb.
Gununsesi.info-nun əməkdaşı problemlə bağlı Azərbaycan Dəmir Yollarının mətbuat xidmətinə müraciət etsə də suala cavab ala bilməyib.
Belə ki, xidmətdən “yazılı müraciət edəcəyimiz” təqdirdə sualımızın cavablandırılacağı bildirilib.
ADY rəsminin sadə bir suala bu cür bürokratcasına yanaşması təəccüblüdür. Ümid edirik ki, ADY yüzlərlə sərnişini maraqlandıran bu sualla bağlı açıqlama verəcək.
Arzu Sayadoğlu
Gununsesi.info
