Türkiyə Suriyanın şimalında kürd dövlətinin yaradılmasına yol verməyəcək.
Gununsesi.info-nun Türkiyə mediasına istinadən xəbərinə görə, bunu Türkiyə prezidenti Rəcəb Tayyib Ərdoğan Hamburq G-20 sammitinin yekunlarına dair brifinqdə deyib.
“Əgər Suriyanın şimalında kürd dövlətinin yaradılması planlaşdırılırsa, biz buna yol verməyəcəyik. Biz Türkiyənin ünvanına səsləndirilən hədələri də bağışlamayacağıq” – deyə,Ərdoğan qeyd edib.
Onu da qeyd edək ki, Suriya kürdləri bundan əvvəl ölkənin şimalında “Şimali Suriya federativ bölgəsi”nin yaradıldığını bəyan ediblər.
Eyni zamanda, bu ilin sentyabr ayının 25-də “Şimali Kürdüstan”da müstəqillik referendumunun keçirilməsi nəzərdə tutulur.
Türkiyə başda olmaqla, bir sıra dövlətlər bunun əleyhinə olduqlarını bildirsələr də, Məsud Bərzani yönətimi referendum qərarında israrlı olduqlarını qeyd ediblər.
KAMİL
Gununsesi.info
