“Mən millət vəkillərinin bələdiyyə qanunvericiliyi ilə bağlı tənqidi çıxışlarına görə, onların hamısına təşəkkür edirəm. O cümlədən, “Bələdiyyə üzvlərinin etik davranış qaydaları haqqında” qanun layihəsi ilə bağlı səsələndirdikləri tənqidi fikirlərə görə”.
Gununsesi.info xəbər verir ki, bu fikri Milli Məclisin (MM) Regional məsələlər komitəsinin sədri Arif Rəhimzadə rəhbərlik etdiyi komitənin bu gün keçirilən iclasında “Bələdiyyə üzvlərinin etik davranış qaydaları haqqında” qanun layihəsinin plenar iclasda müzakirəsi zamanı deputatların səsləndirdiyi irad və təkliflərə mövqeyini sərgiləyrəkən deyib.
Onun sözlərinə görə, millət vəkillərinin bələdiyyə qanunvericiliyi ilə bağlı səsləndirdiyi tənqidi fikirlər bələdiyyələrə böyük marağın və diqqətin göstəricisidir.
“Ona görə də bələdiyyə qanunverciliyilə bağlı tənqidi fikir səsləndirən bütün millət vəkillərinə öz təşəkkürümü bildirirəm. Hesab edirəm ki, əgər bələdiyyələrə belə bir diqqət varsa, gələcəkdə bu qurumun inkişafına da yardım olacaq”– deyə, komitə sədri vurğulayıb.
Komitə sədri parlamentin plenar iclasında qanun layihəsinin birinci oxunuşu zamanı səslənən təklif və tənqidi fikirlərin bir qisminin ikinci oxunuşda nəzərə alındığını da qeyd edib:
“Orada səslənən əksər təklif və tövsiyələrin əkəsriyyəti isə bələdiyyələrin fəaliyyəti ilə bağlı digər qanunvericilik aktlarında öz əksini tapıb”.
Qanun layihəsi sonra ikinci oxunuş üçün parlamentin plenar iclasına tövsiyə olunub.
Mürtəza
Gununsesi.info
