ABŞ-ın Florida ştatında dəhşətli hadisə baş verib.
Gununsesi.info xəbər verir ki, “Bombardier Challenger” 600 tipli təyyarə I-75 magistralında qəzaya uğrayıb. Təyyarə magistral yolda hərəkət edən avtomobilə çırpılaraq alovlanıb.
ABŞ Mülki Aviasiya İdarəsi təyyarədə 5 nəfərin olduğunu və 2 nəfərin öldüyünü açıqlayıb. Təyyarədə olan 3 nəfərin xilas edildiyi bildirilib.
Neapol hava limanına planlaşdırılan enişdən iki dəqiqə əvvəl pilot idarəetmə qülləsi ilə əlaqə saxlayıb və “hər iki mühərriki itirdiyini” və təyinat yerinə çata bilmədiyi üçün “məcburi eniş” edəcəyini bildirib.
Hava limanının sözçüsü Robin Kinq AFP-yə bildirib ki, təyyarədə olan beş nəfərdən üçü sağ qalıb.
Gununsesi.info
